Jigjiga(cakaaranews)Khamiis 1da December 2016. Munaasabada xuska 29aad ee maalinka kahortaga iyo xakamaynta HIV/AIDS oo halku dhag looga dhigay ‘’aan si wadajir ah uga hortagno cudurka HIV-AIDS’’ayaa saaka si heer sare ah loogu xusay xarunta deegaanka ee magaalada jigjiga.

XafLadan lagu xusayay maalinka kahortaga iyo xakaymaynta HIV/AIDS oo ay kasooqaybgaleen mas’uuliyiinta heer degaan, agaasimayaasha xafiisyada , culimo awdiinka, odayaal-dhaqameed, ciidamada qaranka , ciidamada kaladuwan ee deegaanka, qaarkamid ah ardayda dugsiyada iyo waliba martisharaf kale ayaa waxaa ugu horayn furitaankii xaflada kahadlay Wasiirka Xafiiska horumarinta khayraadka Biyaha DDSI ahna Madaxa Xarunta Dhexe lehna awood madaxwayne kuxigeen marwo Fartuun Cabdi Mahdi oo sheegtay in maanta ay tahay maalinta xuska kahortaga iyo xakamaynta HIV AIDS, iyadoo maantana ay atahay maalin heer caalam loo asteeyay kohortaga iyo xakamaynta HIV/AIDS.

 Waxayna xusatay wasiiradu in cudurkani uu yahay cudur dilaa ah oo aan daawo lahayn, muhiimna ay tahay in la iska ilaaliyo siyaabaha uu kuyimaado islamarkaana aan siwada jir ah uga hortagno.

Sidookale, waxaa iyadna dhankeeda kahadashay Wasiirka Xafiiska Kahortaga Iyo Xakamaynta cudurka HIV-AIDS marwo Kaamila Axmednuur oo sheegatay in maanta oo ku began 1-12-2016 ay tahay maalinka kahortaga iyo xakamaynta HIV-AIDS islamarkaana xuskani uu yahay xuskii 29aad ee laga xuso dalka iyo deegaankaba hal kudhagna looga dhigay aan si wada jir ah uga hortagno cudurka HIV-AIDS.

Wasiirada oo hadlakeeda sii wadata ayaa tilmaantay in cudurkan dilaaga ahi ay keento sababo dhawr ah oo ay kow katahay galmada xaaranta ah.

Dhankakale, qaarkamid ah odayaasha deegaanka ayaa si qodo dheer uga hadlay cudrka iyagoo sheegay in la iska dhawro galmada xaaraanta ah maadaama oo aakhiro iyo aduunba saamayn xun kugu yeelanayso.

ugudanbayna xuskan oo lagu soo bandhigay heeso iyo riwaayado wacyigalin ah oo katurjumaya khatarta cudurka islamarkaana kasooqaybgalaayshu aad ula dhaceen ayaa waxaa gunaanadkii laislaaqatay in siwada jir ah looga hortago cudurka. Waxayna xafladu kusoo dhamaatay jawi aad u wanaagsan oo farxadi ku dheehantahay.

Qabridahar, (cakaaranews),jumce, 2da December, 2016. Madaxwaynaha DDSI mudane Cabdi Maxamuud Cumar iyo wafti balaadhan oo  uu hogaaminayo ayaa ka dagay  garoonka diyaaradaha qabridahar international Airport

Waxayna, waftigan uu hogaaminaya madaxwaynaha DDSI mudane cabdi maxamuud cumar ujeedada socdaalkoodu tahay in ay ka qaybgalaan shirwaynaha heer qaran ee  Qiimaynta mashaariicaha horumarka waara oo ka dhacaya  magaalada qabridahar. madaxwaynaha DDSI iyo waftigan uu hogaaminayo ayaa wakhti xaadirkan ku sugan magaalada qabridahar. 

 Warkan oo faah-faahsan kala soco wararkayaga danbe.

Ceelkari(Cakaaranews) Jumce 2da December 2016. Masuuliinta maamulka degmada ceelkari ee gobolka afdheer oo ay ugu horayso gudoomiyaha degmada ceelkari marwo Aniiso Mukhtaar oo kormeer indha indhayn ah ku gaadhay beeraha sentarka Hilomadow ee degmada ceelkari.

Hadaba gudoomiyaha degmada ceelkari marwo Aniiso Mukhtaar oo uwarantay shabakada wararka ee cakaaranews ayaa sheegtay inuu kormeerkan indha indhaynta ah ujeedadiisu yahay xaalda bulshada beeralayda ah ee tuulada hilamadow, Iyo waliba xaaldooda nololeedba, Waxayna gudoomiyuhu intaa ku dartay inay bulshada ku baraarujiyeen sidii ay dhulka ugu foorarsan lahaayeen islamarkaana usamayn lahaayeen waxsoosaar ay kaga baxaan codowgeena koobeed ee saboolnimadka. Ugu danbayna waxay gudoomiyuhu xustay inay sii wadi doonaan kormeerkooda islamarkaana ku wacyigalin doonaan waxsoosaarka beeraha.   

Jigjiga(Cakaaranews) Sabti 3da December 2016. Kulan ay kasoo qaybgaleen masuuliinta MM jigjiga oo uu ugu horeeyo maayorka mm jigjiga mudane Axmed maxamed, Madaxa arimaha xisbiga mm jigjiga mudane cabdulaahi maxamed , maareeyaha, mm jigjiga mudane fadxi shugri, Shaqaalaha mm jigjiga,iyo waliba teamka dabagalka iyo taakulaynta xafiiska maamulka DDSI ayaa ka qabsoomay hoolka shirarka ee kuliyada maaraynta iyo adeega shacabka DDSI.

Hadaba kulankan ayaa waxaa ugu horayn ka hadlay maayorka mm jigjiga mudane Axmed muxumed oo sheegay in ujeedada kulankan yahay sidii loosii dardargalin lahaa shaqooyinka kala duwan ee mm jigjiga iyo waliba in qof walba lagula xisaabtimi doona halka uu shaqada uu hayo kaga aadan yahay islamarkaana qofwalba lagu abaalmarin doona sida ay shaqadiisa noqoto. Wuxuuna masuulku intaa ku daray in shaqaalaha mm jigjiga loo bahanyahay inay si hagar la aan ah ay bulshada adeeg usiiyaan.

Dhanka kale waxaa iyana fikirkooda ka hadlay qaar kamid ah shaqaalaha mm jigjiga oo sheegay inay sidii loogu talagalay ay bulshada ugu adeegi doonaan islamarkaana halkaa kasii wadi doonaan dadaalka shaqo ay bulshada adeega kusiinayaan.

Goday,(cakaaranews),sabti, 3da December, 2016. Wafti balaadhan oo uu hogaaminayo Raysil-wasaare ku xigeenka JDFI mudane Demaqe Mukonnon oo ay  ku wehilinayaan wasiirka arimaha fadaraalka iyo xoolo dhaqatada JDFI mudane Kase  Tegle Burhaan, Maareeyaha guud  kuliyada tababarada  hogaaminta sare  ee Males mudane Adisu Lagase iyo masuuliyiin ka socday dawlad deegaanada dalka  ayaa galabta ka soo dagay garoonka diyaaradaha ee magaalada goday.

Waxana,si meeqaam sare ah ugu soo dhaweeyay garoonka diyaaradaha ee magaalada goday masuuliyiinta ugu saraysa xukuumada DDSI oo uu ka mid yahay madaxwaynaha DDSI mudane Cabdi Maxamuud Cumar, madaxwayne ku xigeenada DDSI, afhayeenka golaha xildhibaanada DDSI ahna gudoomiyaha XDSHSI  mudane maxamedrashiid isaaq, masuuliyiin heer deegaan ah , masuuliyiinta maamulka gobolka shabeele, maamulka magaalada goday, iyo qaybaha kala duwan ee bulshada ku dhaqan magaalada goday, dhankooda  kooxaha fanka iyo suugaanta ee  maamulka magaalad goday ay ku soo dhaweeyeen waftigan, ciyaaraha dhaqanka  DDSI.

Soo dhawayn ka dib, waxay waftigan si wada jir ah u booqdeen iskaashatooyinka beeralayda ah ee ku hawlan wax soo saarka dalaga kala duwan, beerahaasi la booqday ayaa laga hirgaliyay  tuulada  kunka oo ka tirsan degmada goday  taasi oo ay waftigani u kuurgaleen geedi socodka wax soo saarka iskaashatooyinkan iyaga oo  warbixinana ka dhagaystay  xubnaha beeralayda ah.

Waxayna waftigan xili danbe oo habeen ah ka soo baxeen magaalada goday iyaga oo caawa 8:00 fiidnimo soo galay magaaladda qabridahar wakhti xaadirkana ku sugan magaalada qabridhar.

Socdaalka waftigan kala soco wararkayaga danbe

Jigjiga(cakaaranews)Axad 4ta December 2016. Waxay dhamaan wakaalada warbaahinta DDSI ogaysiinaysaa bulshada qaybaheeda kaladuwan ee ku nool dalka iyo daafaha caalamka islamarkaana ku xidhan daawashada muuq baahineedka ESTV in saacadihii wararka ee ESTV kabixi jiray lagu soo biiriyay 1:30 duhurnimo. Oo ay si toosa wakaaladu u bilabayso maalinka isniinta ah.

Hadaba, waxaa dhamaan bulshada danaysa daawashada muuq baahineedka  ESTV loogu bishaaraynayaa in 7:30 ama 1:30 duhurnimo  maalinka isniinta ah ee taariikhdu tahay 5-12-2016 G.C taariikhda dalkeenuna tahay 25-3-2009 T.I ay ka daawadaan wararka deegaanka, dalka iyo caalamka. Iyadoo laga bilaabo maalinkaasna uu saacad wareedkaasi joogto noqon doono maalin kasta.

Wakaalada Warbaahinta DDSI

Qabridahar(cakaaranews), Axad, 4ta, December, 2016. waftigii isku dhafka ahaa ee uu hogaaminayay Raysil-wasaare ku xigeenka JDFI mudane Demaqe Mukonnon Xuseen  oo ay horkacayaan masuuliyiinta ugu saraysa xukuumada DDSI oo uu ka mid yahay madaxwaynaha DDSI mudane Cabdi Maxamuud Cumar ayaa maanta booqday mashaariico horumarineed oo waawayn.

Waxaana ka mid ahaa mashaariicaha ay booqdeen maanta waftigani mashruuca waraabka wax- soo saarka beeraha ee laga hirgaliyay tuulada  maraacaato  oo ka tirsan degmada qabridahar,  waxayna waftigani si wada jir ah u soo  indha indheeyeen geedi socodka shaqo ee mashruucan oo ka mid ah mashaariicaha horumarka waara( SDG)  ee laga hirgalinaya DDSI.

Waftigan  ayaa markii ay soo dhamaysteen booqashada mashuucan maraacaato waxay dib ugu soo noqdeen magaalada qabridahar. Waxana halkaasi ka bilaabeen booqashada mashaariicaha laga hirgaliyay magaalada qabridahar iyaga oo ugu horayntii booqday kuliyada tababarada macalimiinta ee qabridahar oo ah kuliyada ay hirgaliyay xukuumada DDS,  sidoo kale waxay booqdeen cisbitaalka guud  magaalada qaridahar oo ah cisbitaal lagu hirgaliyay dhismihiisa muddo halsano  ah iyo dugsiga sare ee ee magaalada qabrihadar oo ah mid hadda la dhamays tiray dhismihiisa

Waftigan isku dhafka ah oo u kuurgalayay guud ahaanba mashaariicaha horumarineed ee ay xukuumada DDSI hirgalisay  sanadihii  ugu danbeeyay ayaa waxaa kale oo ka mid ahaa meelaha ay booqteen maanta kuliyada tababarka, xirfadaha iyo farsamada qabridahar, kuliyada caafimaadka magaalad qabridahar iyo garoonka  diyaaradaha  magaalada qabridahar kaasi oo ah garoon caalami ah ay xukuumada DDSI ku dhistay awoodeed islamarkaana ah garoonkii ugu horeeyay ee uu dhisto dawlad deegaan ka mid ah deegaanada dalkeena itoobiya.

Gabagabadii booqashadan  ayaa waxaa la hadlay warbaahinta dalka Raysilwasaare ku xigeenka JDFI mudane Damaqe Mukonnon Xuseen oo sheegay in ay booqashadan indho indhaynta ah ay  ku soo arkeen  waxqabad mugwayn oo dhinacyo badan leh oo  mudo kooban ay xukuumada DDSI ku hirgalisay.  wuxuuna sheegay in ay mashaariicahan  qayb ka yihiin  qorshayaasha lagu  tir-tirda saboolnimada islamarkaana ay yihiin tiirarka lagaga midho dhalinayo gaadhida horumar waara oo joogtaysan.

Qabridahar,(cakaaranews), Axad, 4ta, December, 2016. Waxaa maanta galinkii danbe si rasmiya uga furmay magaalada qabridahar gaar ahaan hoolka shirarka ee kuliyada caafimaadka  qabridahar shirkii  qiimaynta waxqabadkii rubucii 1aad ee mashaariicaha horumarka waara ee afka qalaad loo soo gaabiyo  (SDG) ee deegaanada taageerada gaarka ah ay siiso dawlad faderaalku ee sanad miisaaniyeedka 2009TI.

Shirkan qiimaynta ah ayaa  waxa ka  soo qaybgaleen Raysil wasaare ku xigeenka JDFI mudane Damaqe Mukonnon  Xuseen, wasiiro iyo wasiiro ku xigeen ka socday wasaaradaha heer  faderaal, qaarka mid ah madaxwayne yaasha iyo madaxwayne ku xigeenada deegaanada dalka iyo masuuliyiinta xukuumada DDSI ugu saraysa oo uu ka mid yahay madaxwaynaha DDSI mudane Cabdi Maxamuud Cumar,

Waxaana shirkan si rasmiya u furay madaxwaynaha DDSI mudane Cabdi Maxamuud Cumar oo ugu  horayntii ku soo dhaweeyay masuuliyiinta iyo marti sharaftan ka soo qayb-gashay shirkan deegaanka iyo magaalada qabridahar ee martigalisay shirkan qiimaynta ah ee heer qaran madaxwaynaha DDSI ayaa si kooban uga warbixiyay dalaalada ay xukuumada DDSI u gashay hirgalinta mashaariicaha horumarineed ee waawayn gaar ahaan mashaariicaha horumarka waara ee SDG  iyo waliba tabihii iyo xeeladihii loo adeegsatay hirgalinta qorshayaasi. Wuxuuna sheegay madaxwaynuhu in ay xukuumada DDSI sii xoojinayso dalaadala lagaga midho dhalinayo hirgalinta guud ahaanba qorshayaasha horumarineed

Raysi-wasaare ku xigeenka  JDFI mudane damaqe mukonnon xuseen oo furitaankii shirkan ka hadlay ayaa  ugu horaynii u mahad celiyay hogaaminta xukuumada DDSI  kuna amaanay fulinta  qorshayaasha horumarineed wuxuuna sheegay raysal wasaare ku xigeenku  JDFI in  mashaariicaha horumarineed ee ay booqdeen maanta kuwo muujinaya xaqiijinta awooda fulineed ee hirgalinta mashaariicaha horumarineed ee  xukuumada DDSI, isaga oo intaasi ku daray in  mashaariicahan  horurineed yihiin kuwo  lagu  tir tirayo saboolnimada islamarkaana lagu gaadhayo wadamada uu dhaqaalahoodu meel dhexaadka yahay isaga oo sheegay in uu shirkan qiimayntu yahay mid diirada lagu saarayo fulinta mashaariicaha horumarka waara ee deegaanada ay taageerada gaarka ah siiso dawlada faderaalku 

Dhankiisa wasiirka wasaarada  arimaha faderaalka iyo horumarinta  xoolo dhaqatada ah JDFI Kase  Tegle Burhaan ayaa sheegay in DDSI ay  ku caanbaxay ka midho dhalinta qorshayaasha ku qotoma hirgalinta mashaariicaha taabo galka ah waxaa kale oo uu tilmaamay in guud ahaanba deegaanku iska badalay xaaladihii uu hadda ka hor soomaray islamarkaana u jahaystay jihooyinka lagu gaadhayo ka mid Noqoshaha  wadamada uu dhaqaalahoodu meel dhexaadka yahay.

Shirkan ayaa lagu soo bandhigay  dhagaysiga warbixinta  waxqabadka rubucii 1aad ee sanad miisaaniyeedka 2009TI  ee mashaariicaha horumarka waara ee deegaanada taageerada gaarka ah ay siiso  dawlada faderaalku   

Dhagaxbuur(Cakaaranews) Isniin 5ta December 2016. Waftigii isku dhafkaa ee uu hogaaminayay  Raysil wasaare ku xigeenka JDFI mudane Damaqe Mukonnon  Xuseen Iyo madaxwaynaha DDSI mudane Cabdi Maxamuud Cumar ayaa kadib markii xalay saqdii dhaxe  soo gabagabeeyeen shirkii  qiimaynta waxqabadkii rubucii 1aad ee mashaariicaha horumarka waara ee afka qalaad loo soo gaabiyo  (SDG) ee deegaanada taageerada gaarka ah ay siiso dawlad faderaalku ee sanad miisaaniyeedka 2009TI, ayaa waxay u soo kicitimeen dhanka magaalada dhagaxbuur ee xarunta gobolka jarar

Waxayna waftigan isku dhafka ah intay dhexda soo socdeen soo kormeereen geedi socodka shaqo ee mashaariicaha waawayn  ee laga hirgaliyay  deegaanka gaar  ahaan inta u dhaxaysa qabridahar iyo dhagaxbuur, waxaana ka mid ahaa mashaariicaha ay soo booqteen maanta mashruuca waraabka beeraha ee wijiwaaji, mashruuca waraabka beeraha ee goomaar iyo mashruuca waraabka beeraha ee baka kuwaasi oo dhamaantood ah mashaariicaha horumarka waara ee lagu tirtirayo xandaabka saboolnimada, waxaana waftigan mashruuc kasta oo ay booqdaan laga siinayay sharaxaad dheer oo ah nidaamka shaqo ee mashruucan iyo faa'iidooyinka ay  leeyahay. 

waftigan ayaa waxay intii ayna soo gaadhin xarunta gobolka jarar ee dhagaxbuur  soo booqdeen mashruuca biyo galinta Birqod, Gunagado iyo Danood kaasi oo wajigiisii 1aad la soo gabagabeeyay iyaga oo waftigani ka dhagaystay warbixinta mashruucan masuuliyiinta iyo enjineerada gacanta ku yahay mashruucan. ayaa aad ugu bogay guud ahaanba mashaariicdan ay maanta soo booqdeen waxayna duhurnimadii maanta soo hadhgaleen islamarkaana loogu sameeyay hadhimo sharafeed magaalada dhagaxbuur.

Jigjiga(cakaaranews) Isniin 5ta, December 2016. Shir lagu qiimaynayo kooxaha caafimaadka wareega ee loogu talagalay bulshada reerguuraaga ah islamarkaana ay kasooqaybgaleen dhamaan kooxaha Mobile Health ayaa si heer sare ah uga qabsoomay xarunta deegaanka ee magaalada Jigjiga.

Hadaba, qiimayntan ayaa waxaa ugu horayn kahadlay agaasimaha waaxda Emergencyga ee xafiiska Caafimaadka DDSI mudane Cali Cabdi Saalax oo sheegay in qiimayntani tahay qiimayntii 23aad ee looqabto kooxaha caafimaadka wareega islamarkaana ay tahay qiimaynta waxqabadka lixdii bilood ee lasooodhaafay. Wuxuuna intaa kudaray agaasinku in kooxahan caafimaadka wareega ee looyaqaano (Mobile Health teams) loogu talagalay bulshada reer guuraaga ah ee adeega caafimaadku ka fog yahay Wuxuuna xusay in qiimayntani ahyd mid aad u fiican islamarkaana ay lagama maarmaantahay in lasoaxo galdalooladii yaryaraa ee ka jiaray dhanka adeeg bixinta kooxaha.

Dhankooda kasooqaybgalayaashii tababarkan oo dareenkooda kahadlay ayaa sheegay in ay aad ugu faraxsanyihiin qiimaynatan islamarkaana ay saxayaan galdalooladii lasoo darsay lixdii bilood ee lasoodhaafay. Iyagoo tilmaamay in qiimayntu tahay shaqo sii adkaynta iyo kamidho dhalinta qorshayaasha u yaala Mobile Health Team ee Xafiiska Caafimaadka DDSI.

Jigjiga(cakaaranews)Isniin 5ta, December 2016.Tababar uu soo agaasimay wakaalada horumarinta shirkadaha yaryar ee DDSI islamarkaana looqabtay qaar kamid ah shirkadaha heer deegaan kadhisan iyo waliba shirkadaha cusub, kana soo qaybgaleen xubno tiradoodu kor u dhaafayso 50 xubnood ayaa ka qabsoomay Hoolka tababarada ee kuliyada maaraynta iyo adeega shacabka DDSI.

Hadaba, furitaankii tababarkan ayaa waxaa ugu horayn kahadlay Maareeyaha Guud ee Wakaalada Horumarinta Shirkadaha Yaryar mudane Cabdi Muxumed Cismaan oo sheegay in tababarkani kusaabsanyahay  nidaamka kaydsiga casriga ah iyo waliba maamulka iyo maaraynta ganacsiga shirkadaha. Wuxuuna intaa kudaray maareeyuhu in tababarkani yahay mid kor loogu qaadayo garaadka aqoomeed ee xubnaha kasocda shirkadaha. Isagoo tilmaamay in tababarkani qayb kayahay dadaalada loogu jiro tirtirida saboolnimada islamarkaana deegaanku ku higsanayo sidii bulshada deegaanku saboolnimada uga bixi lahayd loogana mid noqon lahaa wadamada dhaqaalahoodu dhexdhaxaadka yahay.

Wuxuuna maareeyuhu kuladardaarmay kaqaybgalayaasha in inta uu tababarku socda sifiican looga faaiidaysto casharada labixinayo islamarkaana fahan buuxa ay kaqaataan casharada una sii gudbiyaan xubnaha kale ee nasiibka u helin tababarkan inay qaataan.

Ugudanabayna, waxaa iyana dhankoodaqar kamid ah xubnihii kasooqaybgalay tababarka oo sheegay in ay aad ugufaraxsanyihiin in looqabto tababar noocan ah oo aqoontooda kor loogu qaadayo. Iyagoo u mahadceliyay wakaalada Horumarinta shirkadaha yarayar dadaalka aan kala go’a lahayn ee ay lagarabtaagantahay kobcinta iyo horumarinta shirkadaha.

Jigjiga(Cakaaranews) Isniin 5ta December 2016. Waftigii balaadhnaa ee ay hogaaminayeen raysilwasaae ku xigeenka JDFI mudane Damaqe mukonnon xuseen iyo madaxwaynaha DDSI mudane cabdi maxamuud Cumar ayaa galabta soo galay caasimda DDSI ee jigjiga, Waftigan oo tan iyo intii ay saaka ka soo baxeen xarunta gobolka qoraxay ee magaalada qabridahar kormeer indho indhayn ah oo ay ay si mug leh ugu kuurgalayeen mashaariicaha horumarineed ee laga hirgaliyay deegaanka gaar ahaan mashaariicaha waawayn ee horumarka waara.

Sidaad wararkanagii hore kula socoteen waxay waftigani maanta duhurkii hadhgaleen caasimada gobolka jarar ee magaalada dhagaxbuur Waxayn  galinkii danbe u soo kicitimeen dhanka caasimada deegaanka jigjiga iyaga oo soo maray mashaariico horumarineed oo waawayn islamarkaana markii ay dhagaxbuur kasoo baxeen soo booqday mashruuca laydhgalinta magaalada dhagaxbuur kaasi oo looga faa’iidayndoono dhamaan degmooyinka hoosyimaada gobolka jarar.

 sido kale waxay waftigu booqdeen mashruuca biyo galinta galiile, sandhoore, cobole, higlalay iyo geedi-aar ,mashruucaasi oo dherarkiisu yahay 59KM, Waxayna iyagoo kormeerkoodii indha indhaynta ahaa sii wada booqdeen Mashruuca biyo galinta qabribayax iyo hartasheekha oo dhawaan xadhiga uu ka jiray madaxwaynaha DDSI, Waxaa kale oo ay booqteen macjarka naaxinta, gowraca iyo dhoofinta xoolaha DDSI oo dhismihiisa hadda la soo gagababeeyay islamarkaana wakhti xaadirkan bilaabaya shaqadii loogu talagalay.

ugu danbayna waxay waftigu booqdeen mashruuca dhismaha guryaha xaafada dulqabow ee magaalada jigjiga iyo dhismaha xarunta madaxtooyada cusub ee DDSI gaar ahaan hoolkashirar sida casriga loo dhisay ee Kaali, Sikastaba ha ahaatee waftiga ayaa intii ay kormeerka ku jireen si qota dheer ugu fiirsanayay mashriicaha waawayn ee xukuumadu kawado deegaanka iyagoo injineerada iyo howlwadeenada mashaariicaha ka xog qaadanayay, Waxayna waftigamadaxwaynuhu wakhti xaadirkan ku suganyihiin xarunta deegaanka ee magaalada jigjiga.

Jigjiga(Cakaaranews) Talaado 6da December 2016. Shirkan qiimaynta mashaariicaha horumarka waare ee afka qalaad loo yaqaano sustainable development goals (SDG) ee heer qaran ee sanad miisaaniyeedka 2009TI oo qaybtiisii hore shirkan qiimaynta ah lagu qabtay magaalada qabridahar ayaa maanta ka sii socda xarunta deegaanka ee magaalada jigjiga.

Hadaba shirkan oo ay hogaaminayaan  Raysil-wasaare kuxigeenka JDFI mudane Damaqe Mukonnon Xuseen, madaxwaynaha DDSI mudane Cabdi Maxamuud Cumar iyo wasiirka arimaha faderaalka iyo horumarinta xoolo dhaqatada JDFI mudane Kase Tekle Burhaan, waxaana maanta la dhagaystay soo bandhiga warbixinta waxqabadka mashaariicaha SDG,ga ee deegaanada canfarta, bunishaangulka, ganbele iyo deegaanka oromada taasi oo diirada lagu saarayay fulinta iyo hirgalinta mashaariicihii qorshaysnaa iyo waliba sida uu deegaan walba u hirgaliyay.

Waxaana shirkan qiimaynta  aad loogu amaanay guulaha waawayn ee ay DDSI ka soo hoyisay hirgalinta qorshayaashii mashaariicaha waawayn ee horumarka waara isagoo deegaanku ku caanbaxay wakhtiga gaaban ee uu ku fuliyo mashaariicaha waawayn ee (SDG) waxaa kale oo siwayn looga dooday jihooyinka horumarineed ee lagu soo xoojinlahaa mashaariicaha SDGga iyada oo laga waayo aragnimo qaadanayo qorshihii rubucyadii hore ee la soo dhaafay sikastaba ah ahaatee DDSI ayaa laysla qaatay in ay tahay hormuudka dhinacyada hirgalinta mashaariicaha SDGga.

Jigjiga(cakaaranews)Talaado 6da December 2016. Kulan Aqoon iswaydaarsi ah oo kusaabsan xuska shucuubta iyo qoomiyadaha dalka ee 29ka hidhaar islamarkaana uu soo diyaariyay xafiiska arrimaha haweenka iyo caruurta oo ay kasooqaybgaleen ururada haweenka, dhalinyarada, qaarkamid ah ciidamada qaranka iyo marti sharaf kale ayaa si habsami leh uga furmay hoolka shirarka ee isla xafiiska.

Hadaba, shirkan aqoon iswaydaarsiga ah ayaa waxaa ugu horayn furitaankiisii kahadlay wasiir kuxigeenka arrimaha haweenka iyo caruurta DDSI mudane Cabdifataax Axmed Gamadiid oo sheegay in shirkan ujeediisu tahay aqoon iswadaarsi kusaabsan maalinka qaaliga ah ee 29ka hidhaar oo ah maalinkii lasameeyay tastuurka dalka ee simay dhamaan xaquuqihii qoomiyadaha iyo shucuubaha dalka. Wuxuuna intaa kudaray wasiir-kuxigeenku in xuska 29ka Hidhaar ay tahay maalin wayn oo hal-mid kadhigtay 83 qoomiyadood ee JDFI iyagoo kala diin ah kala dhaqan ah oo kala af ah.  

Wasiir kuxigeenka oo hadalkiisa sii wata ayaa tilmaamay in xuskani uu yahay xuskii 11aad islamarkaana lagu xusayo deegaanka dariska la’ah Deegaankeena ee Hererida (magaalada herer) xuskuna uu dhici doono maalmo yar kadib.

Ugudanbayna, kasooqaybgalayaashii oo dareenkooda ka hadlay ayaa sheegay in faa’iidooyinka maalinkan aan lasoo koobi Karin islamarkaana ay atahay maalinkii ay dhalatay itoobiyada cusub gacmo furana ay kusoodhawaynayaan.

Jigjiga(Cakaaranews) Arbaco 7da December 2016. Shirkii qiimaynta mashaariicaha horumarka waare ee afka qalaad loo yaqaano sustainable development goals (SDG) ee heer qaran ee sanad miisaaniyeedka 2009TI oo soo gabagaboobay islamarkaana casho sharaf loogu sameeyay xarunta ee deegaanka ee magaalada jigjiga iyagoo waftigu isku dhafka ee ay hogaaminayaan Raysil-wasaare kuxigeenka JDFI mudane Damaqe Mukonnon Xuseen,madaxwaynaha DDSI mudane Cabdi Maxamuud Cumar iyo wasiirka arimaha faderaalka iyo horumarinta xoolo dhaqatada JDFI mudane Kase Tekle Burhaan. Ay Booqdeen mashriicaha horumarineed ee laga wado xarunta deegaanka gaar ahaan guryaha dhismaha loo dhisayo dadka danyarta ah ee ka socda xarunta kilalkii hore iyo waliba garoonka kubada cagta ee caalimaga ah kasoo si casri ah loo dhisay roogiina la dhigay.

Hadaba raysil-wasaare kuxigeenka JDFI mudane Damaqe Mukonnon Xuseen, oo waraysi siiyay warbaahinta dalka iyo ta deegaanka iyaa bogaadiyay horumarka dhan walba ah ee ka hanaqaaday deegaanka, Wuxuuna raysil-wasaaruhu aad u amaanay dhamaan mashaariicaha SDG ga ee uu deegaanku sida quruxda badan u hirgalaiyay,sidoo kalana wuxuu amaanay goroonka caalamiga ah ee kubada cagta isagoo sheegay in rooga garoonkan la dhigay uusan jiran garoon la dhigay oo dalka ah.

Ugu danbayna madaxwayne CMC ayaa waftigii isku dhafka ahaa u sagootiyay dhinaca deegaanka hararida halkaas oo uu ka qabsoomi doono xuska 11aad ee 29 hidhaar ee maalinta qoomiyadaha dalkeena.

Harar,(cakaaranews)Arbaca, 7da December, 2016. Madaxwaynaha DDSI mudane Cabdi Maxamuud Cumar iyo wafti balaadhan oo uu hogaaminayo oo galabta ka anbabaxay xarunta DDSI ee jigjiga ayaa  u kicitimay magaalada qadiimiga ah ee Harar.

Madaxwaynaha DDSI iyo waftigan uu hogaaminayo oo galay magaalada harar  ayaa ka qaybgalaya munaasabada xuska 11 aad ee 29ka Hidaar oo maalinta barito ah si meeqaam sare  loogu xusayo caasimada harar ee deegaanka  hararida oo ah magaalo qadiimiya taasi oo  sanadka ku jirtay  diyaar garow dhinaca kasta leh  sidii ay u martigalin lahayd xuska 11 aad ee 29ka hidaar oo ah maalinta qoomiyadaha iyo shucuubta dalkeena itoobiya oo sanadkasta la xuso 29ka hidaar.

Waxaana maalmihii ugu danbeeyay ku soo qul-qulayay magaalada harar martida ka socoda qoomiyadaha iyo shucuubta deegaanada dalka iyada oo ay xuskan ka soo qaybgalayaan masuuliyiinta ugu saraysa JDFI iyo  masuuliyiinta ugu saraysa dawlad deegaanada dalka iyo 2da ismaamul magaalo, madaxwaynayaasha wadamada aan dariska nahay iyo marti sharaf kale oo heer caalam ah.

Madaxwaynaaha DDSI mudane Cabdi Maxamuud Cumar iyo wafigan balaadhan ee uu hogaaminayo ayaa wakhti xaadirkan ku sugan magaalada harar.

Jigjiga(Cakaaranews) Arbaco 7da December 2016. Sida lawada ogsoonyahay waxaa ururkii nabadiidka ahaa ee Ubbo ee naafeeyay maskaxdii, maalkii iyo muruqii shacabwaynaha DDSI lagaga guulaystay xeelad cilmayaysan iyo maskax caafimaad qabta oo ay kumidoobeen dhalinyaro tiro yar oo kadhiidhiday xasuuqyadii kaladuwanaa ee ubbo ay kagaysatay guud ahaanba deegaanka.

Hadaba ururkii nabadiidka ahaa ee ubbo ee dilka, kufsiga, dhaca iyo Boobka kuhayay maxasta iyo biri- magaydada shacabka deegaanka ayaa wuxuu ku abtirsan jiray inuu kasoo jeedo beesha ogaadeen iyadoo marka hoos loo dhaadhacana kasoo jeeday maxamed subeer gaar ahaan reer isaaq iyo reer cabdile oo ahaa kuwii ay dhibaatadii ugu ba’nayd ugaysteen. Waxaana xusid mudan in hadalkii raisal-wasaarihii hore ee dalka mudane meles zenewi uu horay uyidhi ee ahaa ‘reer isaaq  waa ubbo’ uu ahaa mid xaqiiqa ah oo runta kusalaysan waayo ubboda reer isaaq waxay laynaysay dadka beesha reer isaaq kasoo jeeda. Waxaana daliil u ah xasuuqyadii kaladuwanaa ee ay kagaysteen Dhagaxbuur, Gunagada, Cobale, Farmadow, Gosolalay, Awaare, Dig, Bilcil-buur, yoocaale IWM Kuwaas oo aan ahayn wax kaqarsoon indhaha caalamka iyadoo dhanka kalana ay jireen dhalinyaro udhalatay beesha reer isaaq oo ushihiiday sidii ay dhibaatadii ubbo kuhaysay dadka uga dulqaadi lahaayeen dal iyo dibadba.

Sidaasdarteed ayaa kadib markii ay ubbo udhamaatay ee deegaanka laga sifeeyay waxaa maanta soo baxay dad soo huwaday wajiyo qabiil oo argagixisanimo, Nabadiidnimo Iyo soomaali-waynimo wata kuwaas oo kaxun nolosha, nabadgalyada iyo horumarka uu shacabwaynaha deegaanku maanta ku talaabsaday islamarkaana wada nidaam cusub  oo  qaaraan urursi ah maadaama uu dhamaaday nidaamkii hore ee qaaraan urursiga ubbo dal iyo dibadba.

Hadaba beesha reer isaaq ee kushirtay Nairobi waa beel kamid ah beelaha wada daga wadanka soomaaliya islamarkaana uu asalkooda iyo faracooduba yahay soomaaliya iyadoo dadkii soo abaabulayna ay ahaayeen kuwo isugu jira: jananadii hore ee soomaaliya, Xubno alqushaash ah, Qaar Ubbo ah, Xubno aan ujeedada shirkaba wax ka ogayn, dad qabiil ahaan ugu jiray iyo xubno dhex-dhexaad ah oo loo sheegay inuu shir nabadgalyo yahay balse kadib markay ogaadeen sheegay inaysan shirkan shaqo kulahayn islamarkaana cadeeyay inuu shirkani yahay mid ujeedo leexsan iyo dano gaar ah wata. Waxaana xaqiiqa ah in shirkani ahaa mid gabi dhacayay marka laga eego hadaladii ay saraakiisha dacatiga ahi kuhadlayeen. Waxaana faduul ah inay Ethiopia iyo wadamo kale kahadlaan iyagoo dano gaar ah wata.

Dhanka kale odayaasha beesha reer isaaq ee DDSI kasoo jeeda ayaa cambaareeyay guud ahaanba shirka kadhacay nairobi kuna tilmaamay in magaca ay wataan uu yahay mid soomaaliya matala balse aan shacabka dagan Ethiopia iyo deegaankaba matali Karin islamarkaana cadeeyay in aduunka dawlad, Dad iyo calan lakaleeyahay oo aysan ahayn inay kahadlaan itoobiya. Waxaa kale oo ay odayaashu cambaareeyeen gudigii ay samaysteen oo ahaa gudi uu nabadiid dabada kawaday maadaama beesha reer isaaq leedahay garaad magac iyo maamuus leh oo lawada yaqaano islamarkaana uu dagan yahay gudaha DDSI. Waxayna cid kasta oo gudaha iyo dibada joogta uga digeen inay iska ilaaliyaan dadka ku maxaabsanaya magaca beesha.

Ugudanbayna, odayaasha beesha reer isaaq ee DDSI ayaa sheegay in laga soo gudbay xili ay jananadii bililiqada qaatay utaliyaan iyagoo hoosta kaxariiqay inay talaabo cad kaqaadeen oo ay meel saareen ururkii nabadiidka ahaa ee ubbo iyagoo kaashanaya dawlada iyo xoogaga nabadgalyada deegaanka iyo dalkaba. Waxayna kubaaqeen in cidii ubbo ah ama nabadiid ah ee timaada deegaanka ay soo dhawaynayaan iyadoo cafis loo waydiinayo shacabka iyo dawladaba. Odayaasha ayaana intaa ku daray in deegaanku uu maanta kagudbay fikiradii cidhiidhiga ahaa ee nabadiidka kuwaasoo kusalaysnaa qabyaalad, eex, nin jeclaysi IWM, iyo waliba aragtidii xumayd ee soomaali-waynimada islamarkaana uu maanta marayo horumar aan dib u noqosho lahayn isagoo gaadhay heer biyihii khadhaadhaa lamacaaneeyay. Waxayna hadalkoodii kusoo xidheen mahad-celin balaadhan oo ay usoo jeediyeen XDSHSI iyo xukuumada DDSI oo kusifoobay aragti shacab, mid horumarineed iyo kajawaabida degdega ah ee baahida bulshada iyagoo xusay in danta beeshani ay utaalo oo kali ah cida dagan gudaha deegaanka ee aysan marnaba u oolin cid dan gaar ah wadata oo kabaxsan deegaanka oo aan udhalanin dalkeena itoobiya.   

Jigjiga( Cakaaranews) Khamiis 8da December 2016. Munaasabada xuska 11aad ee 29 hidhaar oo ay kasoo qaybgaleen masuulyiinta ugu saraysa xukumada oo ay ugu horayso madaxwayne kuxigeenka ahana Wasiirka horumarinta beeraha iyo khayraadka dabiiciga ah DDSI marwo Sucaad Axmed Faarax, Qaar kamid ah kabaneega deegaanka, qaybaha kaladuwan ee shaqaalaha xafiisyada, Odayaasha, Dhalinyarta haweenka iyo marti sharaf kale ayaa si heer sare ah ugu qabsoomay xarunta deegaanka ee magaalada jigjiga.

Hadaba xuska munaasabadan ayaa waxaa ugu horayn ka hadlay madaxwayne kuxigeenka ahna Wasiirka horumarinta iyo khayraadka dabiiciga ah DDSI marwo Sucaad Axmed Faarax oo ugu horayn umahad celisay dhamaan kasoo qaybgalayaasha munaasabada  iyadoo sheegtay  inay maanta tahay maalinta isutaga iyi midaynta qoomiyadaha shucuubaha kala duwan ee dalkeena itoobiya waana maalin qaali inagu ah islamarkaana ay kulmaan in kabadan 80 qoomiyadood oo kala yimid deegaana dalkeena,taas oo ku tusinaysa sinaanshaha qoomiyadaha dalkeena. Waxaana kale oo ay madaxwayne kuxigeenku xustay inay maalinkan soo dhawaynaan islamarkaana ay aad oogu faraxsantahay munaasabada xuka 11aad ee 29ka hidhaar ee uu sanadkan martigaliyay deegaanka hararida.

Dhanka kale waxaa iyana dareenkooda ka hadlay qaar kamid ah kasoo qaybgalayaasha munaasabada xuskan 11aad ee 29ka hidhaar iyagoo sheegay inay maalintani tahay maalin aad qaali noogu ah islamarkaana ay aad usoo dhawaynayaan maalinkan, maadaama maalitani tahay maalinta cadaynaysa inay qoomiyadaha shucuubaha dalkeenu siman yihiin oo mid mid wax dheer uusan jirin islamarkaana ay maalintan qoomiyadahu keenayso isbarasho isdhexgal ay yeelana yaan qoomiyadaha kala duwan ee iskugu yimid xuska munaasabada 11aad ee 29ka hidhaar ee lagu qabtay magaalada harar ee deegaanka dariskeena ah ee hararida

Harar,(cakaaranews),jumce, 8da, December,2016. Waxaa maanta si balaadhan oo  heer qaran ah  loogu xusay magaalada qadiimiga ah ee harar munaasabada xuska 11aad ee 29ka hidaar oo ah maalinta qoomiyadaha, shucuubta iyo dadyowga dalkeena itoobiya.

Munaasabadan oo ah mid ku wayn qalbiyada iyo quluubta shacabwaynaha dalka itoobiya ayaan loo kala hadhin xusitaankeeda waxaana ka soo qaybgalay masuuliyiinta ugu saraysa JDFI oo ay ka mid yihiin Raysilwasaaraha JDFI mudan Hailemariam Desalegn, afhayeenka golaha fadareeshinka JDFI mudane Yalaw Abatu, afhayeenka golaha wakiilada shacabka JDFI mudane Abadhule Gamadhu madaxwayne yaasha dawlad deegaanada dalka oo uu ka mid yahay madaxwaynaha DDSI mudan Cabdi Maxamuud Cumar, madaxwaynaha dalka jubuuti mudane Ismaaciil Cumar Geele, madaxwaynaha dalka suudaan mudane Cumar Xasan Albashiir, wakiilo ka socday dhamaan wadamad aan dariska nahay kooxaha dhaqanka dawlad deegaanada dalka iyo marti sharaf kale oo heer caalamiya.

Munaasabadan oo ahayd mid si qurux badan loo soo agaasimay islamarkaana ku qabsoontay jawi aad u qurux badan ayaa waxaa ugu horayntii ka hadlay Raysil-wasaaraha  JDFI  mudane Hailemariam Desalegn wuxuuna ugu horayntii munaasabadan qiimaha badan ugu hambalyeeyay dhamaanba qoomiyadaha iyo shucuubta dalkeena itoobiya isago uu mahad celiyay dawlada deegaanka hararida sida meeqaamka sare ee ay u soo agaasimeen Munaasabadan  quruxda badan. Raysilwasaarada ayaa sheegay in ay munaasabadani ku soo beegantahay wakhti uu dalka u jahaystay taaba  galinta  iyo ka midho dhalinta qorshayaasha horumarineed. Raysilwasaaraha tilmaamay  in loo baahan yahay in la sii xoojiyo axdigii hore loo galay ee adkaynta midnimada sinaanshaha  qoomiyadaha iyo shucuubaha dalkeena itoobiya in jacaylka wadankeenu ku waynaato qalbiyada iyo quluubta qoomiyadaha iyo shucuubta  itoobiya

Waxaa kale oo ka hadlay munaasabadan afhayeenka golaha fadareshinka JDFI mudane yalaw abatu iyo madaxwaynaha deegaanka hararida mudane Muraad Cabdilhaadi  kuwaasi oo ka warbixiayya ahmiyad ay leedahay munaasabada xuska Maalinta qoomiyadaha iyo shucuubta dalka itoobiya waxayna sheegeen in ay tahay maalinta xaqiijisay  sinaanshaha qoomiyadaha iyo shucuubta itoobiya iyo hirgalinta hawlaha  horumarkan  maanta dalku haysto.

Madaxwaynaha wadanka jabuuti mudane ismaaciil cumar geele iyo madaxwaynaha dalka suudaan mudan cumar xasan  albashiir oo ka hadlay munaasabadan ayaa qoomiyadaha iyo shucuubta dalkeena itoobiya ugu hambalyeeyay xuska munaasabadan 11aad ee 29ka hidaar waxayna sheegeen in munaasabada xuska maalinta qoomiyadaha dalka itoobiya tahay mida xaqiijisay horumarka uu dalka maanta gaadhay

Qoomiyadaha iyo shucuubta dalkeena itoobiya ayaa waxay qoomiyada kastaaba ku soo bandhigtay munaasabadan ciyaaraha hidaha iyo dhaqanka ee ay qoomiyad kastaaba gaarka u leedahay taasi oo ay siwayn uga dhexmuuqdeen kooxda hidaha iyo dhaqanka ee dawlada deegaanka soomalida itoobiya.

Gabagabadii munaasabadan xuska maalinta qoomiyadaha iyo shucuubta dalkeena itoobiya ayaa  waxa uu madaxwaynaha deegaanka hararida mudane muraad cabdilhaadi uu  hadiyado ka turjimaya hidaha iyo dhaqanka deegaanka hararida  gudoonsiiyay Raysilwasaarada dalka iyo Raysilwasaare ku xigeenkadalka sidoo kale madaxwayne yaasha deegaanada dalka oo uu ka mid yahay madaxwaynaha DDSI mudane Cabdi maxamuud Cumar ayaa waxa uu gudooniisay hadiyad taasi la mid ah. waxaana lagu wareejiyay munaasabadan in ay sanadka danbe martigaliso deegaanka canfarta.

Jigjiga(Cakaaranews) Jumce 9ka December 2016.Munaasabad kusaabsan maalinka ladagaalanka gudniinka fircooniga ah islamarkaana uu soo agaasimay xaf.arrimaha haweenka iyo caruurta ddsi ayaa Sihabsimileh uga dhacday isla xafiiska,

Hadaba munaasabadan oo ay kasooqaybgaleen ururada haweenka iyo qaarkamid ah culimo awdiinka ayaa waxa furitaankiisii kahadlay wasiir kuxigeenka xaf arrimaha haweenka iyo caruurta mudane Cabdifataax Axmed Gamadiid oo sheegay inay maalintani tahay maalin loo bahanyahay in la xasuusnaado tacadiyada loo gaysto gabdhaha yaryar sida gudniinka fircooniga ah iyo guurka degdega ah oo kale islamarkaana loo baahan yahay in si wada jir ah aan ula wada dagaalano.

sidoo kale waxaa iyana dhankooda ka hadlay qaar kamid ah kaoo qaybgalayaasha kulanka oo sheegay inay diyaar u yihiin siday ula dagaalami lahayeen ta cadooyinka xun xun ee loo gaysto gabdhaha kaas oo uu kow ka ayahay gudniinka fircooniga ah.