Dhagaxbuur(Cakaaranews) Isniin 5ta December 2016. Waftigii isku dhafkaa ee uu hogaaminayay Raysil wasaare ku xigeenka JDFI mudane Damaqe Mukonnon Xuseen Iyo madaxwaynaha DDSI mudane Cabdi Maxamuud Cumar ayaa kadib markii xalay saqdii dhaxe soo gabagabeeyeen shirkii qiimaynta waxqabadkii rubucii 1aad ee mashaariicaha horumarka waara ee afka qalaad loo soo gaabiyo (SDG) ee deegaanada taageerada gaarka ah ay siiso dawlad faderaalku ee sanad miisaaniyeedka 2009TI, ayay soo gaadheen xarunta gobolka jarar ee magaalada dhagaxbuur,
Waxayna waftigan isku dhafka ah intay dhexda soo socdeen soo kormeereen geedi socodka shaqo ee mashaariicaha waawayn ee biyogalinta wijiwaaji, Birqod,iyo baka kuwaasoo kamid ah mashaariicaha horumarineed oo kamid ah mashaariicaha horumarka waara.