North America (Cakaaranews) Jumce 11ka November 2016. Ogaysiis waxaa la ogaysiinayaa dhamaan jaaliyada north America inay kasoo qayb galaan xaflad lagu taageerayo Shirwaynihii 9aad X.D.SH.S I. ee ka dhacay degmada qabridahar gaar ahaan qabalaha maraacato. Goobtu waa 3316 33rd st nort magalada st cloud mn maalinta sabtida 19 november 2016 7fidnimo ilaa iyo2 habeeno kasoo qaybgal wanaagsan.

Jigjiga(cakaaranews)Sabti 12ka November 2016. Shir balaadhan oo ay soo agaasimeen hogaaminta unug aasaasiga ee shaqaalaha maamulka magaalada jigjiga islamarkaana ay kasooqaybgaleen qaarkamid ah masuuliyiinta MM Jjigjiga  ayaa si rasmi ah uga qabsoomay hoolka shirarka ee kuliyada maaraynta iyo adeega shacabka DDSI.

Hadaba, shirkan ayaa waxaa shabakada wararka ee cakaaranews uga warbixiyay Madaxa Arrimaha Xisbiga Maamulka Magaalada Jigjiga mudane Cabdulaahi Muxumed Faarax oo sheegay in shaqaalaha dawlada ee unug aasaasiga XDSHSI ee magaalada jigjiga ay abaabul fiican sameeyeen islamarkaana ka hogaamin ahaan aan aad ugu mahadcelinayno shaqooyinka ay qabanayaan. Wuxuuna xusay in shirkan maanta lagu go’aamiyay in la xoojiyo kaqybgalka horumarka islamarkaana ay balan qaadeen inay sameeyaan wado cable stone ah oo dheerarkeedu dhanyahay 1 km iyagoo kabixinaya mushaarkooda.

Ugudanbayna waxaa dareenkooda kahadlay  qaar kamid ah shaqaalaha MM Jigjiga oo sheegay in ay aad ugu faraxsanyihiin shirkan maanta iyo go’aamada kasoobaxay ee ah in iyagu iskood ay u dhisaan wado cable-stone ah oo dheerarkeedu dhanyahay 1km. waxayna tilmaameen in horumarka iyo nabadgalyada deegaanka ay garabtaagan yihiin waligoodna garabtaagnaan doonaan taageero buuxana ay u hayaan XDSHSI.

Wajaale( Cakaaranews) Axad 13ka November 2016. Wakaalada dakhliga ee DDSI ayaa markii ugu hoaraysay ka hirgalisay mashiinka dakhliga ee FAT ka kasoo ka qaybqaadanaya dhinaca dakhli aruurinta islamarkaana ganacsatada u fududaynaya kharash bixinta dhanka xisaabaha taasoo halkaas ka saaraysa lunsiga ilaha dakhliga.

Hadaba maareeyaha wakaalada dakhliga MM wajeele mudane Khadar Cabdi Faaraxoo u waramay warbaahinta deegaanka ayaa sheegay faaiidada uu mashiinka FAT ku u leeyahay. Isagoo ku tilmaamay inuu mashiinku ka caawinaya dhanka xisaab xidhka maalinlaha ah iyo waliba ka bilaha ah islamarkaana aanu ogaan karno shaqada maherada anagoo xafiiska joogna. Wuxuuna maareyuhu intaa ku daray inuu ganacsatada shacabka uu iyana faaiidooyin badan uleeyahay mashiinku.

Ugu danbayna waxaa iyana dhankooda ka hadlay qaar kamid ah ganacsatada mm wajeele oo sheegay inuu mashiinku faaiido uleeyahay isagoo u fududaynaya dhanka xisaabaha. Waxayna intaa ku dareen in tababar fiican lagasiiyay qaabka isticmaalka mashiinkan FAT ka.

Jigjiga(Cakaaranews) Isniin 14ka November 2016. Tababar ay  si wada jira ah usoo agaasimeen xafiiska arrimaha haweenka iyo caruurta DDSI Iyo haayda Save the children international islamarkaana ay ku wa helinayeen xafiiska maxkamada shareecada ddsi iyo masjidul aclaha ayaa si heer sare ah ugu qabsoomay hoolka shirarka ee nogob hutel.

Hadaba tababarkan oo ay kasoo qaybgaleen odayaal, Haween , Culumo owdiin, Dhalinyar ka kala yimaaday wadanka somaliya gaar ahaan gobolada puntland,  Gado, oo ay wahelinayaan kuwa deegaanka, ayaa waxaa ugu horayn ka hadlay gudoomiyaha maxkamada shareecada mudane sheikh Cabdiraxmaan oo sheegay inuu tababarkan ujeedadiisu  yahay sidii loo tirtirilahaa cadooyinka xun xun ee lagu sameeyo gabdhaha sida gudniinka fircooniga ah isla markaana loo baahan yahay inaan ubadkeena ka ilaalino falalka dhaqan xumada ah een diintana ku banaanayn, Wuxuuna gudoomiyuhu intaa ku daray in tababar qaata yaasha ka socda dalka aan dariska nahay ee somaaliya looga baahan yahay inaan lawada dagaalno cadooyinka xun xun ee aan ku banaanayn diinta oo uu kow kayahay gudniinka fircooniga ah,

Ugu danbayna waxaa dhankooda ka hadlay qaar kamid ah kasoo qaybgalayaasha oo sheegay inay aad oogu faraxsanyihiin kasoo qaygalka tababarkan islamrkaana ay la wada dagaalami doonaan cadooyinka xun xun islamrkaana cashirka ay tababarkan ka faaiideenn ka hirgalin doonaan goobihii ay ka yimaadeen  

Jigjiga(cakaaranews)Isniin, 14ka, November, 2016. Waxaa xalay ka dhacay magaalada jigjiga gaar ahaan barxada wayn ee haabaanaha  aroos cajiib ah oo lamagac-baxay arooskii qarniga qaybtiisii 2aad oo ay ku lamaanoobeen 27 aroos(qoys).

Waxaana, arooska qarniga qaybtiisa labaad ka soo qaybgalay masuuliyiinta xukuumada DDSI ugu saraysa oo uu ka mid yahay madaxwaynaha DDSI mudane Cabdi Maxamuud Cumar, madaxwayne ku xigeenada DDSI, golaha wasiirada, agaasinada, shaqaalaha dawlada gudoomiyayaasha gobolada iyo degmooyinka DDSI, qurba joogta DDSI marti sharaf aad u tiro badan, kooxaha fanka iyo suugaanka DDSI iyo fanaaniin kale oo uu ka mid yahay fanaanka caanka ah ee Axmed Biif.

Haddaba, 27kan aroos(qays)   oo ku lamaanoobay nolosha ayaa waxaa laga soo kala xulay dhamaan gobolada deegaanka iyo maamulada magaalooyinka DDSI, taasi oo  lagu soo xulay nidaamka gacantaada isku aroos/ ama habka bakhtiyaanasiibka ah.  dhinaca kale tirada 27kan aroos ayaa  xambaarsan xigmad aad u muhiim ah taasi oo lagu saleeyay 27kii sano ee deegaanka iyo dalkuba ka xoraabay guumaysigii dhiigyo cabkii dhergiga taasi oo caruusyada loo dhiibay lambaro ku salaysan taariikhda  laga soo bilaabo sanadkii 1983TI oo ah xiligii laga takhalusay kalidii taliyihii dhargiga ilaa maanta oo ay taariikhtu tahay 2009TI. 27kaa sano ayaa lagu saleeyay tirada arooska qarniga qaybtiisa 2aad.  Waxaana kharaska ku baxaya arooska qarniga qaybtiisa 2aad bixinaya ururka horumarinta soomalita itoobiya.

Hadaba, Wajigii hore ee arooskan qarniga qaybtiisa 2 aad  lagu soo bandhigay  hab-dhaqankii hore ee aroosyadii qadiimiga ahaa khaasatan dhanka labiska hidaha iyo dhaqanka iyobooliska iyo maxkamada  oo soo kicinayay dadka islamarkaana ku xukumayay su’aalo taariikh ah,  qaadida heesaha, buraankuro iyo furitaanka  hal-xidhaalayaal. Halka qaybtiisii wajigiisii 2aad ee arooska qarniga qaybtiisa labaad lagu soo bandhigay habka casriga ah ee aroosyada taasi oo dhamaan caruusyada loo soo loo labisay labiska casriga ah , faraanti-galiskii, jaridii keega iyo waliba cayaaraha qoob-ka cayaarka.

Qaybtii ugu danbaysan arooskan qarniga waxaa loo dhigay 27kii aroos(qays) warqado bakhtiyaa nasiib ah oo ay ku qoranyihii wadamada iyo goobaha ay ku todobaxayaan((honeymoon) taasi oo arooskasdaaba qaadanayay nasiibkiisa meesha u soo baxda dalka gudihiisa iyo dibadiisaba,

Jigjiga(cakaaranews)Isniin 14ka November 2016. Tababar ay fulintiisa iska kaashadeen wakaalada ilaalinta khayraadka Duur-joogta  JDFI iyo Xafiiska Horumarinta Beeraha iyo Khayraadka Dabiiciga ah DDSI oo kaashanaya haayada  Born Free Foundation in Ethiopia islamarkaana ku saabsan wacyigalinta iyo xakamaynta ugaadhsiga iyo dhoofinta sharci darada ah ee  lagula kaco duur joogta Deegaanka soomaalida itoobiya ayaa maanta kaqabsoomay xarunta DDSI ee Jigjiga.

Hadaba tababarkan ayaa furintaankiisii waxaa ugu horayn kahadlay wasiir kuxigeenka xafiiska horumarinta beeraha iyo khayraadka dabiiciga ah mudane Guuleed Aw Cali Kaahin oo sheegay in tababarkan ujeedadiisu tahay sidii siwada jir ah bulshada iyo dawladuba ay udkayn lahayd duur joogteena islamarkaana loo xakamayn lahaa ugaadhsiga iyo dhoofinta sharcidarada ah ee duur joogteena. Maadaama oo ilaahay deegaanka soomaalida itoobiya ku manaastay duurjoog kala duwan oo qaali ah gaar ahaan libaaxa loo yaqaano black lion in deegaankeena uu khaas u yahay oo aan laga helin caalamka intiisa kale.

Wasiir kuxigeenka oo hadalkiisa sii wata ayaa tilmaamay in tababarkani uu yahay mid muhiim ah islamarkaana ay kasooqaybgaleen xubno kasocda dagmooyinka deegaanka. Wuxuuna ku dhiirigaliyay in int uu socdo tababarku sifiican looga faaiidaysto casharada.

Dhanka kale, Gadh/wadeenka G/Socodka khayraadka dabiiciga ah ee xafiiska Horumarinta Beeraha Iyo Khayraadka Dabiiciga ah mudane Khadar Carab Hiraad oo isna kahadlay ayaa sheegay in tababarkan fulintiisa ay iska kaashadeen wakaalada ilaalinta Khayraadka duurjoogta ee JDFI iyo waliba haayada Born Free Foundation islamarkaana uu san ahayn tababarkii ugu horeeyay ee xafiisku qabto, noqona doonin kii ugudanbeeyay.

Ugudanbayna agaasinka ayaa carabka ku dhuftay in sidookale tababarkan lagu qaadanayo casharo la xidhiidha waxsoosaarka iyo ilaalinta nabaadguurka.

Jigjiga,(cakaaranews), Isniin, 14da November. 2016. Ogaysiis muhiim ah, waxaa la ogaysiinayaa dhamaan xubnaha  jaaliyada DDSI ee ka soo qayb-galay  shirwaynihii 9aad ee X.D.SH.S.I ee wakhti xaadirkan ku sugan caasimada DDSI  magaalada jigjiga in ay barito oo ay taariikhtu tahay 15da bisha November, 2016, saacatunaha tahay 4:00PM galabnimo in ay yimaadaan hoolka shirarka ee qaryaan dhoomaan ee caasimada DDSI.

Haddaba, waxaa  xubnahan qurba joogta DDSI lagu  wargalinayaa  in ay ilaaliyaan wakhtiga 

Jigjiga(cakaaranews)Talaado 15ka November 2016. Wafti kasocday federationka ciyaaraha JDFI islamarkaana uu waheliyo wasiir kuxigeenka xafiiska dhalinyarta iyo ciyaaraha DDSI ayaa kormeer indho-indhayn ah kusoomaray garoonka casriga ah ee dhismihiisu kasocdo xarunta deegaanka ee magaalada Jigjiga.

Hadaba, wafigan kasocday JDFI ee indho indhaynta u yimid deegaanka ayaa sheegay in si quruxbadan oo kudayasho mudan loo wado dhismaha garoonka ciyaaraha. Waxayna tilmaameen inuu meel gabo gabo ah  marayo iyagoo carabka kudhuftay in garoonkani uu yahay mid lagu qaban karo tartanka ciyaaraha kubada cagta ee deegaamada dalka.

Dhanka kale wasiir kuxigeenka Xafiiska Dhalinyarta iyo Ciyaaraha DDSI mudane Cabdishakuur Cismaan   ayaa sheegay in garoonkani yahay mid wax wayn katari doona dhanka ciyaraaha kaladuwan ee dhalinyarada islamarkaana lagu qaban doono tartanada ciyaaraha ee gobolada iyo deegaankaba.

Ugudanbayna wuxuu tilmaamay in garoomo isaga  lamid ah laga hirgalin doono gobolada deegaanka.

Jigjiga(Cakaaranews) Talaado 15ka November 2016. Kulan balaadhan oo uu soo agaasimay xafiiska horumarinta beeraha iyo khayraadka dabiiciga DDSI waaxdiisa damaanad qaadka cuntada islamarkaana ay kasoo qaybgaleen dhamaan shaqaalaha waaxda damaanad qaadka cuntada ayaa ka qabsoomay hoolka shirarka ee isla xafiiska.

Hadaba kulankan ayaa waxaa igu horayn ka hadlay wasiir kuxigeenka xafiiska horumarinta beeraha iyo khayraadka dabiiciga DDSI mudane Guuleed Ow Cali Kaahin oo sheegay inuu kulankan lagaga hadlayo waxqabadkii sanada 2008TI sidii loo hirgaliyay iyo hadaan la hirgalinin sababta ay u hirgali wayday , waxa uuna masuulku intaa ku daray in iyana laga wada hadlayo 3dii bilood ee uu barnaamijku 28 degmo oo deegaanka ah siinayay lacagta ka faaiidaysata yaasha barnaamijka PSNP.Wuxuuna masuulku xusay in mashaaricihii laqabtay iyo lacagihii la siinayay ka faaiidaysta yaasha barnaamijka ay si fiican u hirgaleen , Islamrkaana shaqsi kasta oo shaqaalah kamid ah lagula xisaabtami doona shaqadiisa kii shaqada wanaajiya  lagu abaal marin doona shaqa wanaagiisa kii kasoo bixiwaayna sharciga la waafajin doona. Wuxuuna wasiir kuxigeenku shaqaalaha kula dardaarmay inay dadaalkooda halkaa kasii wadaan .

Dhanka kale waxaa isana dhankiisa ka hadlay agaasinka damaana qaadka cuntada ee xafiiska horumarinta beeraha iyo khayraadka dabiiciga DDSI mudane Lubi Axmed Kaariye oo sheegay degmooyinka uu ka hawlgalo barnaamijku iyo tirada bulshada ka faa’iidaysata waxa uuna yidhi” Barmaamijkan ayaa deegaanka ka hawgala 31 degmo islamarkaana ay ka faa'iidaystaan Bulsho dhan  1.6 milyan oo qof. Guud ahaan sanadkii muddo 6 bilood ah ayaa ka faaiidaystayaasha laga taageeraa dhinaca Raashimada iyadoo ay waajib ku tahay  Qof kasta oo ka mid ah qoysaska  loo xushay ee shaqayn kara  (Public work) in uu ka qayb qaato shaqooyinka wadajirka ah ee bulshada, gaar ahaan hawlaha horumarinta aasaasiga ah, kaabayaasha dhaqaalaha, khayraadka dabiiciga iyo ilaalinta deegaanka. Wuxuuna agaasiku intaa ku daray in barnaamijku uu 28 degmo lacag ahaan usiiyo ka faaiidaysta yaasha meshii ay ka qaadan jireen raashinka islamarkaana 3 bilood ee u danbaysay lagu howljiray lacagsiintooda iyadoo lacagta lasiiyayna ay dhanayd 655,986,899.40 birr islamarkaana say ahayd loo wada gaadhsiiyay 28 degmo ee barnaamijku lacag ahaan kaga howlgalo.

Ugu danbayna waxaa dhankooda ka hadlay qaarkamid ah shaqaalaha oo sheegay inuu kulankani yahay mid muhiim ah islamarkaana loo baahanyahay islaxisaabtanka iyo cadcadaanta la waydiinayo shaqsi walba shaqada uu qabtay sida uu umeel mariyay haduu hagaajiyay iyo haduu xumeeyayba, Taasoo ka shaqaale ahaan ay shegeen inay u fiicantahay.

Jigjiga,(cakaaranews), Arbaca, 16ka, November, 2016. Kulan ay hogaaminayeen madaxwaynaha DDSI mudane Cabdi Maxamuud Cumar iyo afhayeenka golaha xildhibaanada DDSI ahna gudoomiyaha X.D.SH.S.I  mudane Maxamedrashiid Isaaq ayaa maanta ka dhacay madasha shirarka  kaali 2 ee xarunta madaxtooyada DDSI.

Kulankan oo ay ka soo qaybgaleen hogaaminta sare ee XDSHSI iyo masuuliyiinta xafiisyada horumarka DDSI ayaa waxay ujeedadiisu ahayd sidii loo xoojin lahaa hawlaha horumarka, nabadgalayda iyo maamulka suuban gaar ahaan dar-dargalinta mashaariicaha horumarineed taasi  oo  xooga lagu saarayay dhinaca mashaariicaha biyaha deegaanka. iyada oo si qoto dheer looga dooday sidii  dayactir  loogu samayn lahaa   dhamaan ceelasha biyaha deegaanka si bulshada deegaanka  looga haqabtiro helitaanka biyaha. 

Gabagabadii kulankan waxaa laysla qaatay sidii loo sii   dar dargalinlahaa dadaalada loogu jiro kor u qaadida heer daboolka biyaha, iyada oo la dadajinayo fulinta qorshayaasha  horumarka, nabadgalyada iyo maamulka suuban iyo waliba in  la ilaalinayo tayada adeegyad la  gaadhsiinayo  bulshada deegaanka.  

Jigjiga(Cakaaranews) Arbaco, 16ka November 2016. Sida lawada ogsoonyahay waxaa jirtay inay qurbajoogta DDSI ee kukala nool dacalada dunida ay  kaalintooda taageero ahaan kaga qayb qaadanayeen dhismaha iskuulada, health centerada iyo waliba kharashka kubaxayay xafladihii loogu damaashaadayay 25kii degmo, 2dii gobol iyo 2dii maamul-magaalo ee uu dhawaatan golaha baarlamaanka deegaanku ku-ansixiyay kal-fadhigiisii 2,aad golihiisa 5,aad iyadoo ay qurbajoog kasta lacagta lagu dhisayo iskuulada, health centerada iyo kharashka xafladihii dabaal-daga kusoo shubtay accountyadii loo sameeyay degmooyinka, gobolada iyo MMkii cusbaa. kuwaas oo ay qurbajoogta DDSI ee dunidu kasoo kalajeedaan.

Hadaba, waxaa hubaal ah inay qurbajoogtu kukala-hadheen kaalintii taageero ee ay kaga qayb qaateen dhismaha iskuulada, xarumaha caafimaadka iyo xafladihii daah-furka.  Waxaadna ka akhrisataa shaxdan hoose lacagaha ay qurbajoogta degmo kasta soo direen iyo waxa ay qaban karto iyadoo wadarta guud ee lacagtu noqotay Dollar ahaan 498,184.34USD, ETB ahaana 11, 956,376.16 Birr:

Jigjiga(cakaaranews), khamiis, 17ka, November, 2016. Waxaa maanta si meeqaam sare ah loogu soo dhaweeyay caasimada DDSI  ee Jigjiga  wufuud kala duwan oo uu hogaaminaya wasiirka wasaarada horumarinta magaalooyinka iyo Guriyeynta  JDFI  mudane Dr Ambachaw Mekonnen.

Waxaana wafigan ku soo dhaweeyay magaalada jigjiga    masuuliyiin sare oo uu ka mid yahay madaxwayne ku xigeenka DDSI ahna wasiirka horumarinta magaalooyinka dhismaha iyo warshadaha DDSI     mudane Cabdixakiin Cigaal Cumar, maayirka maamulka magaalada jigjiga mudane Axmed Maxamuud iyo masuuliyiin kale oo heer deegaan ah. sidoo kale    kooxaha baanboyda DDSI ayaa siwayn uga qayb-qaatay soo dhawaynta wufuudaasi.

Haddaba, masuuliyiintan kala duwan oo ka  socotay 9ka deegaan ee dalka, 2da ismaamul magaalo ee  dalka gaar ahaan xafiisyada horumarinta magaalooyinka dhismaha iyo warshadaha  deegaanada   iyo wasaarada horumarinta magaalooyinka iyo guriyeynta JDFI ee  maanta lagu soo  dhaweeyay  jigjiga ayaa qaarkood waxa ay ka soo dageen garoonka diyaaradaha ee garaad wiil waal Airport halka masuuliyiinta qaarkoodna ku yimaadeen magaalada jigjiga socdaal dhinaca dhulka ah.

Ujeedada socdaalka waftigan ayaa ah in ay ka qaybgalaan  shirwaynaha 12aad  ee heer qaran ee  sacterka horumarinta magaalooyinka dalka oo sanadkan  ay marigalinayso caasimada DDSI ee jigjiga  kaasi oo maalinta barito ah ka furmaya hoolka shirarka kaali ee xarunta madaxtooyada DDSI. 

Jigjiga(cakaaranews) khamiis, 17ka, November, 2016. Waxaa maanta ka furmay magaalada jigjiga gaar ahaan madasha shirarka  ee qaryaan dhoodaan  shirkii qiimaynta waxqabadka 6dii bilood ee la soo dhaafay  ee sectorka horumarinta magaalooyinka, dhismaha iyo warshadaha ee deegaanada ay taageerada gaarka ah ka hela  JDFI. Deegaanadaasi  oo kala ah deegaanka somalida itoobiya, Canfarta, Benishaangulka iyo deegaanka Gambeela.

Waxaana,  ka soo qaybgalay shirkaasi masuuliyiin ay ka mid yihiin afhayeenka golaha xildhibaanada DDSI ahna gudoomiyaha XDSHSI  mudane maxamedrashiid isaaq madaxwayne ku xigeenka DDSI ahna wasiirka horumarinta magaalooyinka dhismaha iyo warshadaha DDSI  mudane Cabdixakiin Cigaal Cumar,  masuuliyiinta xafiisyada horumarinta magaalooyinka dhismaha iyo warshadaha afartaasi deegaan iyo masuuliyiinta maamulada magaalooyinka DDSI.

Waxaana furitaankii shirkan ka hadlay afhayeenka golaha xildhibaanada DDSI ahna gudoomiyaha XDSHSI  mudane Maxamedrashiid Isaaq oo ugu horayntii si diiran ugu soo dhaweeya xarunta deegaanka masuuliyiinta iyo martidii  ka soo qaybgashay shirkan  isaga oo sheegay in shirkan qiimaynta ah mudada uu socto diirada lagu saaridoono waxqabadkii  sectarka horumarinta magaalooyinku deegaanadani ee 6dii bilood ee la soo dhaafay. Afhayeenaka golaha xildhibaanada DDSI oo xusay in  shirkan qiimaynta oo 6dii biloodba mar lagu qabto  mid  ka mid ah deegaanadan  kana soo baxaan qorshayaal lagu xoojiyo horumarinta magaalooyinka deegaanadan. dhinaca  afhayeenka ayaa sheegay  in deegaanka soomalida itoobiya guulo waawayn ka soo hooyay sanadihii ugu danbeeyay dhinaca horumarinta magaalooyinka DDSI, kor u qaadida bilicda iyo baaxada magaalooyinka DDSI, abuurida fursado shaqo , aas aasida  iskaashatooyin  iyo kobcinta awooda. wuxuuna tilmaamay afhayeenku in DDSI sii xoojinayo ka midho dhalinta qorshayaasha horumarineed ee magaalooyinka DDSI.

shirkan qiimaynta ah ayaa muddadii uu socday waxay  deegaanadu ku soo bandhigidoonaan warbixinta waxqabadkoodii, waxyaabihii ay hormuudka ku noqdeen/ ku dayashada mudnaa iyo meelaha ay goldaloolada ka jirtay. Nasiib wanaag waxaa xusid mudan in shirkan qiimaynta ah,  deegaankeena lagu qabtay ay isku soo beegmeen   shirwaynihii 12aad ee heer qaran ee sectarka horumarinta magaalooyinka deegaanada dalka iyo 2da maamul magaalo oo maalinta barito ah ka furmaya magaalada jigjiga. 

Jigjiga(cakaaranews), Jumce, 18ka, November, 2016. Waxaa maanta magaalada jigjiga  gaar ahaan madasha shirarka kaali ee xarunta madaxtooyada DDSI si Rasmiya uga furmay shirwaynihii 12aad ee heer qaran ee saktarka horumarinta magaalooyinka iyo guriyeynta ee 9ka dawlad deegaan iyo 2da ismaamul magaalo ee dalkeena itoobiya.

Waxaana furitaankii shirkan ka soo qaybgalay masuuliyiinta ugu saraysa xukuumada DDSI oo uu ka mid yahay madaxwaynaha DDSI mudane Cabdi Maxamuud Cumar,wasiirka wasaarada horumarinta magaalooyinka iyo guriyaynta JDFI mudane Dr Ambachaw Mekonnen, masuuliyiin ka socoday 9ka dawlad deegaan, 2da ismaamul magaalo iyo masuuliyiin sare oo ka socotay JDFI.

Waxaana ugu horayntii si rasmiya  u furay shirkan  madaxwaynaha DDSI mudane Cabdi Maxamuud Cumar oo si diiran u soo dhaweeyay masuuliyiinta iyo marti sharafta  ka soo qaybgashay shirkan isaga oo sheegay madaxwaynahu in uu ku faraxsan yahay martigalinta shirwaynahan uu martigaliyay DDSI gaar ahaan caasimada DDSI. madaxwaynaha DDSI ayaa si kooban  uga warbixiyay dadaalada xukuumada DDSI ugu jirto horumarinta magaalooyinka iyo guriyaynta iyo waliba in sanadihii ugu danbeeyay guulo waawayn laga soo hooyay hirgalinta qorshe hagaha magaalooyinka DDS,  kor u qaadida bilicda magaalooyinka, abuurida ilaha shaqada dhalinyarada magaalooyinka, kobcinta iskaashatooyinka magaalooyinka, biyo galinta,  jidadka magaalooyinka,  laydh galinta  iyo isgaadhsiinta  magaalooyinka. Wuxuuna tilaamay madaxwaynaha DDSI in ay hirgalinta qorshayaashaasi  kaalin wayn ka qaadatay taageerada ay laga helay  wasaaradaha heer faderaal.  Madaxwaynaah ayaa sheegay in ay xukuumada DDSI sii xoojinayso dadaalada kor loogu qaadayo horumarinta magaalooyinka iyo guriyaynta.

Dhankiisa waxaa ka hadlay furitaankii shirkan wasiirka wasaarada horumarinta magaalooyinka iyo guriyaynta JDFI mudane Dr ambachaw mekonnen isaga sheegay in uu ku faraxsan yahay sida meeqaamka sare ah ee loogu soo dhaweeyay caasimada DDSI. wasiirka ayaa xukuumada DDSI ku amaanay dadaalka ay kaga midho dhalisay  horumarinta magaalooyinka iyo guriyaynta gaar ahaan  bilicda iyo balaadhinta caasimada DDSI ee jigjiga oo wakhti kooban ku soo gaadhay ayuu yidhi wasiirka magaalooyinka waawayn ee dalka, wasiirka ayaa sheegay in ay mudan tahay in deegaanada kale ee dalku  ka tusaale qaataan  nidaamka horumarinta magaalooyinka DDSI. mar uu ka hadlayay wasiirku ahmiyada shirwaynahan ayaa waxa uu sheegay in ujeedada sanadba magaalo loogu qabtaa tahay sidii ay u kala khibrad qaadan lahaayeen deegaanada dalku isaga oo sheegay in shirkan diirada lagu saarayo abuurida ilaha shaqada, kor uqaadida bilicda magaalooyinka, cagaarinta magaalooyinka iyo guriyaynta.

Shirkan oo lagu soo bandhigay dood-cilmiyeedku saabsan horumarinta magaalooyinka iyo guriyaynta ayaa waxaa booqasho lagu tagay mashaariicaha dhismaha guryaha laga hirgalinayo xaafada dulqabow ee magaalada jigjiga  kuwaasi oo dhismahooda hadda la soo gabagabeeyay DDSI. shirkan ayaa maalmaha soo socda ka sii socondoona caasimada DDSI ee jigjiga

Jigjiga(cakaaranews) Jumce 18ka November 2016. Tababar uu soo agaasimay xafiiska horumarinta beeraha iyo xoolaha ee degmada koonfurta jigjiga islamarkaana ujeedadiisu tahay kobcinta garaadka aqoomeed ee iskaashatooyinka caanaha ee kadhisan centerada camadhle, Hare, Baladka, Xaadaw iyo Daadhi ayaa kaqabsoomay magaalada jigjiga.

Hadaba, furitaankii  tababarkan ayaa waxaa ugu horayn kahadlay madaxa xafiiska Horumarinta beeraha iyo  xoolaha ee degmada koonfurta jigjiga marwo Faadumo Nuur Barkhadle oo sheegtay in tababarkani wax wayn ku soo kordhin doonta silsilada xoojinta tayada waxsoosaarka xoolaha islamarkaana door fiican kaqaadan doona dhinaca garaadka aqoomeed ee iskaashatooyinka caanaha. Waxayna ku boorisay kaqaybgalayaasha in inta uu socdo tababrku sifaacan looga faaiidaysto casharada.

Sidookale waxaa isna tababarkan kahadlay khabiirka waxsoosaarka xoolaha mudane ayaanle xasan oo sheegay in ujeedada tababarku tahay mid lagu baranayo casharo laxidhiidha tayada waxsoosaarka xoolaha. wuxuuna xusay khabiirku in tababakan loo qabtay iskaashatooyinka ku dhaqan centerada camadhle, Hare, Baladka, Xaadaw iyo Daadhi. Isagoo carabka kudhuftay in dhamaan centaradan ay yihiin meelaha uu kahawlagalo Mashruuca horumarinta waxsoosaarka beeraha iyo xoolaha ee looyaqaano (DRS)

Sikastaba ha haatee, tababarkan oo ay casharada bixinayaan khabiiro kasocda xafiiska ayaa socon doona mudo shan maalmood ah.

Jigjiga ( Cakaaranews ) Jumce 18ka November 2016. Munaasabada xuska maalinta daryeelka caruurta dhalata iyagoon shin'koodii gaadhin "Dhicis" ee heer caalami oo maanta ka dhacay hoolka shirarka huteelka Nogob guardian ee magaalada jigjiga. Munaasabadan ooy si wada jir ah u soo agaasimeen xafiiska caafimaadka DDSI iyo hay'adaha bah-wadaagta la ah xafiiska caafimaadka sida; UNICEF iyo IRC.

Hadaba Waxaa furitaankii xuskan ka hadlay maareeyaha guud ee mashruuca dhimista dhimashada hooyada iyo dhalaanka ee xafiiska caafimaadka DDSI mudane Shaafici Daahir Muuse, oo sheegay ujeedada iyo muhiimada ay xambaarsan tahay xuska maalintani kuna booriyay kasoo qayb galayaashu inay si fiican uga doodaan dhibaatooyinka la xidhiidha dhiciska iyo sidii kor loogu qaadi lahaa fahanka bulshada ee ku aadan dhiciska iyo ka hortagiisa.

Xuska sanadkan oo dalkeena hal ku dhag looga dhigay " Habka hooyada kaangaaro da ahi ay u qabsato ilmaheeda waa Habka ugu wanaagsan ee loo daryeeli karo ilmaha dhiciska ah" taas oo ka dhigan in boga/laabta ilmaha iyo boga/laabta hooyada oon wax maro/dhar ah loo dhaxaysiinin la isa saaro kadib na maryo iyo buste la iskula duu-duubo. Munaasabadan ooy ka soo qayb galeen khabiirada caafimaadka heer deegaan, degmooyinka qaarkood, maamulka magaalada jigjiga, iyo hay'adaha ay bah'wadaagta yihiin xafiiska caafimaadka. Waxaana lagu soo bandhigay war bixin tilmaamaysa xadiga dhimasha caruurta dhiciska ku dhashay ee heer dal iyo heer caalami iyo Habka looga hortagi karo ama lagu yarayn karo tirada dhalaanka u dhimata sababaha la xidhiidha dhicis nimada. Dood cilmiyeed ayaa ku xigtay warbixintii wax badanna lagaga dooday gaba gabadiina la isla meel dhigay arimo muhiim ah

Wajaale(Cakaaranews) Sabti 19ka November 2016. Shir uu soo agaasimay xafiiska ganacsiga iyo gadiidka DDSI islamarkaana diirada lagu saarayay la dagaalanka ganacsiga sharcidarada ah oo ay kasoo qaybgaleen masuuliyiinta MM wajaale, laanta jibriga mm wajaale, qaybaha kala duwan ee bulshada ayaa ka qabsoomay mm wajaale.

Hadaba kulankan ayaa waxaa ugu horayn ka hadlay madax kooxeedka kormeerka iyo dabagalaka xafiiska ganacsiga iyo gadiidka mudane Cabdulaahi Qorane Maxamed oo sheegay in ganacsiga sharcidarada ah uu lid ku yahay horumarka dalka iyo deegaanka tasoo shacabka looga baahanyahay inay la dagaalamaan ganacsiga sharci darada ah kaalintooda kaga aadan, Wuxuuna intaa ku daray in ganacsiga sharci darada ahi uu dhibaatooyin badan ku hayo dalka iyo deegaankaba islamarkaana loo bahanyahay in si wada jir ah loola wada dagaalamo.

Sidoo kale waxaa iyana dhankeeda ka hadashay kusimaha maayorka mm wajaale ahna madaxa xafiiska maaliyada iyo horumarinta dhaqaalaha marwo Ayaan Aadan Cismaan oo sheegtay in guulaha lagasoo hoyiyay ladagaalanka ganacsiga sharcidarada ah ay ku timid iskaashiga shacabka xukuumada iyo laanta jibriga.

Ugu danbayna waxaa kulnaka ka hadlay  qaar ka mid ah shacabka ku dhaqan mm wajaale oo sheegay inay diyaar u yihiin sidii loola wada dagaalami lahaa ganacsiga sharci darada ah islamarkaana ay kaalintooda kaga aadan ka qaybqaadan doonaan.

Jigjiga(cakaaranews), Axad, 20ka, November, 2016.Waxaa xalay  ka dhacday magaalada jigjiga gaar ahaan barxada wayn ee qaryaan dhoodaan xaflad casho sharaf ah oo lagu soo xidhay shirwaynihii  12aad ee heer qaran ee  saktarka horumarinta magaalooyinka iyo guriyaynta ee dalkeena itoobiya.

Xaflada casho sharafta ah oo si qurux badan loo agaasimay ayaa waxaa ka soo qaybgalay masuuliyiinta ugu saraysa xukuumada DDSI oo uu ka mid yahay madaxwaynaha DDSI mudane Cabdi Maxamuud Cumar, Afhayeenka Golaha Xildhibaanada DDSI  ahna gudoomiyaha XDSHSI  mudane maxamedrashiid Isaaq, wasiirka wasaarada horumarinta magaalooyinka iyo guriyaynta JDFI mudane Dr  Ambachaw Mekonnen, madaxwayne ku xigeenada DDSI, golaha wasiirada DDSI, masuuliyiintii iyo marti sharaftii ka soo qaybgashay shirwaynihii 12aad  saktarka horumarinta magaalooyinka iyo guriyaynta dalkeena itoobiya.

Waxaana xafladan casho sharafta ah ugu horayntii ka hadlay madaxwaynaha DDSI mudane Cabdi Maxamuud Cumar oo  ugu horayntii u mahad celiyay masuuliinta iyo marti sharafta ka soo qaybgashay shirwaynahan ay martigalisay DDSI. Madaxwaynaha DDSI ayaa sheegay dadaalada ay xukuumada DDSI ugu jirto ka midho dhalinta horumarinta magaalooyinka iyo guriyaynta. isaga oo tilmaamay madaxwaynaha DDSI  in xukuumada DDSI qorshaha koboca  iyo  isbadalka dhaqaalaha qaybtiisa 2aad  xooga saartay  kobcinta awooda horumarinta magaalooyinka iyo guriyaynta DDSI.

Dhankiisa  wasiirka wasaarada  horumarinta magaalooyinka iyo guriyaynta mudane Dr  Ambachaw Mekonnen oo ka hadlay xafladan casho sharafta ah ayaa aad ugu mahad celiyay masuuliyiinta xukuumada DDSI sida quruxda badan ee ay u martigalisay shirwaynaha 12aad ee saktarka horumarinta magaalooyinka iyo guriyaynta. Wasiirka ayaa aad u amaanay guulaha waawayn ee ay xukuumada DDSI ka gaadhay dhinaca horumarinta magaalooyinka iyo guriyaynta.

Gabagabadii xafladan ayaa waxa uu madaxwaynaha DDSI mudane cabdi maxamuud cumar gudoon siiyay hadiyado ka tirjimaya dhaqanka dawlada deegaanka soomalida itoobiya masuuliyiinta ka soo qaybgashay shirkan oo uu ugu horeeyay wasiirka wasaarada horumarinta magaalooyinka iyo guriyaynta JDFI  mudane Dr  Ambachaw mekonnen

Jigjiga,(cakaaranews)Axad, 20ka, November,2016. Masuuliyiintii ka soo qaybgashay shirwaynihii 12aad ee saktarka horumarinta magaalooyinka iyo guriyaynta dalkeena itoobiya ee uu hogaaminayay wasiirka wasaarada horumarinta magaalooyinka iyo guriyaynta JDFI mudane Dr ambachaw mokonnen oo ay horkacayaan   madaxwayne ku xigeenka DDSI ahna wasiirka horumarinta magaalooyinka, dhismaha iyo warshadaha DDSI mudane Cabdixakiin Cigaal Cumar, wasiir ku xigeenka horumarinta magaalooyinka dhismaha iyo warshadaha DDSI mudane Axmed Shugri iyo maayirka maamulka magaalada jigjiga mudane Axmed Maxamuud  ayaa maanta booqday mashaariicaha horumarineed ee laga hirgalinayo caasimada DDSI.

waxayna, maanta ay booqdeen masuuliyiintani jidadka waawayn ee laga wado magaalada jigjiga kuwa laga dhigay laamay iyo kuwa la dhigay dhagaxa qoray ee loo yaqaano (cobblestone)   gaar ahaan wadada wayn ee hormarta dhakharka kaaraamardha  oo ah wado afar haad ah oo laamay ah, taasi oo samaynteedu meel fiican marayso.

Waxaa kale oo ay masuuliyiintani maanta booqdeen dhismayaasha guryo wadareedka  loogu talagalay in ay galaan dadka dan yarta ah, oo ay xukuumada DDSI ka dhisay magaalada jigjiga kuwaasi oo dhismahooda la soo gabagabeeyay hadda. Meelaha kale oo ay booqdeen waxaa ka mid ahaa guryihii ay xukuumada DDSI u dhistay dadkii ay guryahooda gaadhay wadooyinka laga hirgaliyay caasiamda DDSI ee jigjiga. dhinaca kale waxay booqdeen masuuliyiintani xarumaha iskaashatooyinka shaqo abuurka looga sameeyay magaalada jigjiga waxaana ka mid ahaa iskaashato  samaysa jaajuurka oo ay  leeyihiin dhalinyaradii hore uga tirsanaan jiray ururkii UBBO ee wakhiyadii hore ka dhaq-dhaqaaqi jiray DDSI. Balse markii ka tooban keeneen fikiradii xumaa ee ay hore u aaminsanaayeen ay xukuumada DDSI u samaysay fursadaha shaqo abuurka.

Wasiirka wasaarada horumarinta magaalooyinka iyo guriyaynta JDFI mudane  Dr Ambachaw Mekonnen oo maanta isaga iyo masuuliyiintii uu hogaaminayay dib ugu noqdeen caasimada dalkeena ee addisababa ayaa ka hor intii aanu  ka duulin garoonka diyaaradaha ee garaad wiil waal Airporti  waxa uu warbaahinta uga warbixiyay booqashadii mashaariicaha DDSI ee magaalada jigjiga. Wuxuuna siwayn u bogaadiyay kaalinta balaadhan ee ay xukuumada DDSI siisay horumarinta magaalooyinka iyo guriyaynta. Wasiirka ayaa carabka ku adkeeyay in ay deegaanada  kale dalkeena itoobiya  ka tusaale qaataan DDSI sida ka go,aanshaha leh  ee ay xooga u saareen  horumarinta magaalooyinka iyo guriyaynta.

Jigjiga(cakaaranews)Isniin 21ka November 2016. Tababar uu soo agaasimay xafiiska maaliyada iyo horumarinta dhaqaalaha DDSI oo loo qabtay dhamaan gadhwadeenada geedisocodyada Xisaabaadka ee haayadaha dawliga ah ee heer degaan islamarkaana ujeedadiisu ahayd maarynta lacagaha kaashka ah (Cash Management) ayaa lagu sooo gabagabeeyay kuliyada maaraynta iyo adeega shacabka DDSI.

Hadaba, tababarkan ayaa waxaa xidhitaankiisii kahadlay wasiir-kuxigeenka xafiiska maaliyada iyo horumarinta dhaaqaalaha DDSI mudane Jamaal faarax warmooge oo sheegay in tababarkani ku saabsanaa nidaamka cash management oo ah is waafajinta akoonada xafiisyada bangiga iyo qasnada dhexe ee maaliyada (treasury) iyo waliba sidii loo sii adkaynlahaa nidaamka maaliyadeed ee xafiisyada isagoo tilmaamay in tababarkani uu socday mudo  5 maalmood ah islamarkaana lagu baray kaqaybgalayaasha casharo aad muhiim ugu ah.

wasiir kuxigeenka oo hadalkiisii sii wata ayaa kula dardaarmay tababartayaasha in casharadii ay barteen u dhaadhiciyaan xafiisyadii iyo wakaaladihii ay ka kalayimaadeen si fiicana uga dhaqan galiyaan islamarkaana laga feejignaado khaladaadka ka yimaada dhanka maaraynta lacagaha.

Ugudanbayna, tababartayaashii oo kahadlay dhinacooda ayaa sheegay in ay barteen casharo faiido badan u leh. Waxayna tilmaameen inay balan qaadayaan in casharadan ay barteen ay kadhaqan galinayaan goobihii iyo xafiisyadii ay kakalayimaadeen.